nederlands.nl
Gebruikersnaam of e-mail:  Wachtwoord:    Registreren












dichtwoordenboek





nederlands.nl: biografie

Erik Harteveld



Erik Harteveld is in 1955 in Assen geboren, mor hij verhoesde al in 1961 naor Nijlande, een dörpie van omendebij twintig boerderijen tussen Raol en Assen. Daor hef e Drčents leerd.

De idyllische kinderwereld van Nijlaande is ’t belangriekste thema van zien gedichtenbundel Hoss is dood. Doe Erik op de HBS zat, woonde hij in Grol waor veul meer te dooun was. Meziek maoken en aachter de wichter anzitten, is hum het meeist bijbleven. De thematiek van zien band Kopstubbers komp daor veur ’t grootste deeil vort. Laoter is Erik verhoesd naor Stad waor e Nederlandse Taol en Letterkunde studeerd hef en daorna Slavische Taolen. In 1983 kwam e veur het eerst met Drčents as cultuurtaol in anraoking as teneeilspeuler in ’t stuk An ’t Voetenende van Marga Kool.   

Vlak daornao hebben ze hum vraogd een bijdraoge te levern an het Drčents radiopregramma van Radio Noord Mandielig. Daornao was e niet meer weg te dčenken oet de Drčentse media: Boenders en Bössels op Radio Drenthe en Kwaanskwies, Rikrak, De Berichten, het Kleine Hoessie op de Heide en Erven Takens veur TV Drenthe.

Tiedens zien radioperiode begon e veur het eerst in het Drčents te schrieven. Eerst gedichten en laoter humoristische stukkies in de kraant, zoas 1000 jaor Drenthe en Vrouw Koetje. Hij hef ok dreei teneeilstukken schreven met de titels Kriet op tiet, Breien veur Burundi en De wraok van Tale Kwant (2005). Erik Harteveld woont al jaoren op het Grunneger hogelaand in Rasquert.

Sinds 1995 is Erik Harteveld leider van de bluesband ‘Kopstubbers’. Dizze band hef dreei cd’s in eigen beheer oetgeven: Altied pech (1998), Zummerfeest (2000) en Not Normal Anymore (2003). De band besteeit oet de volgende personen: Erik Harteveld (zang, gitaar), Bruno Boucher (piano, orgel), Hans Lass (bas), Herman Wesselink (percussie) en Alex Harteveld (drums).

Harteveld perbeert de grčenzen tussen meziek en gedichten wat vervaogen te laoten. Het gedicht Laandschup (kiek wieder) is daor een veurbeeld van. Harteveld hef dit schreven as gedicht, mor laoter as leeidtie instuurd naor ’t Noord-Nederlaands leeidtiesfestival 2005. Hij won de eerste pries. Met aal meugelke zintuuglijke waorneming (geur, kleur, geluud en meer) beschrif e het laandschap dat niet veraandert.

Eind 2005 is Erik Harteveld kozen tot stadsdichter van Assen (2006-2007). 

Webstee: http://www.erikharteveld.nl/


Inzendingen van deze schrijver










vragen  |   links  |   zoek  |   contact  |   disclaimer  |   inhoud  |   rijmwoordenboek  |   gedichten.nl